Fylkkageaidnu 98, mii manná Idjavuonduoddara badjel, lea dan gávcci geainnus mat leat nominerejuvvon, gilvaleamen Norgga čábbámus geaidnun.
Fylkkageaidnu 98, mii manná Idjavuonduoddara badjel, lea dan gávcci geainnus mat leat nominerejuvvon, gilvaleamen Norgga čábbámus geaidnun.
Mannan vahkus finai fágajury geahččamin geainnu sihke Finnmárkkus ja daid eará geainnuid mat leat nominerejuvvon.
Ledje 40 geainnu oktiibuot dieđihuvvon kandidáhttan, gávccis besse viidáseappot.
Daid gaskkas mat leat nominerejuvvon leat earret eará máŋggalágan rusttegat, nu maiddái fylkkageaidnu 98, mii galgá gilvalit Oslos ovttain geainnuin, Vestlánddas muhtin šalddiin ja Troandimis mearrageainnuin.
Diibmá gárvánii geaidnu badjel Idjavuonduoddara ja lea dat áidna mii lea nominerejuvvon Davvi-Norggas.
Ovddit háve go juhke vuoittu lei 2014:s, dalle vuittii Finnmárkku Norgga čábbámus geainnuin ja dat lei uđassihkkarastinrusttet mii lea Skjervelánddas, fylkkageaidnu 889, mii manná Ávanuorrái.
