Golbma julevsámegieloahpaheaddji válde aiddo eksámena Davvi universitehtas. Sii leat vuosttažat máilmmis geat gárvejit oahpaheaddjeoahpahusa julevsámegillii.
Viktor Inge Paulsen Båssa lea ovttas Robin Nick Allan Paulseniin ja Trond Edvard Paulseniin geargan oahpaheaddjeoahpahusain Davvi universitehtas. Sii leat vuosttažat máilmmis geat gárvejit oahpaheaddjeoahpahusa julevsámegillii.
– Lea deaŧalaš lávki julevsámegillii ja -kultuvrii. Illudan dál bargagoahtit iežan ruovttubáikkis, Ájluovttas, ođđa máhtuin, dadjá Viktor Inge Paulsen Båss preassadieđáhusa bakte.
Historjalaš beaivi
Davvi universitehta oahpahusjođiheaddji Charlotta Langejan lohká beaivvi leat historjjálažžan.
– Lea earenomáš beaivi ja mii leat hui rápmásat iežamet studeanttaiguinn Viktoriin, Robiniin ja Trond Edvardiin, dadjá Davvi universitehta oahpahusjođiheaddji Charlotta Langejan.
Son čilge ahte dárbu lea stuoris sin gelbbolašvuhtii vuođđoskuvlaoahpeaddjin.
– Sii šaddet deaŧalažžan servodahkii ja olu ohppiide, go lea sáhka gielas ja giellaidentitehtas. Lea hirbmat deaŧalaš ja mii illudit iežamet ohppiiguin go dál ožžot sin oahppoduođaštusa, dadjá Langejan.
