Leaktofanasruvttut gaskkal Hammerfeastta ja Áhkárvuona Sállanis, lassánit miessemánu rájes. Dasa lassin buoridit gálvofievrredan kapasitehta.
Leaktofanasruvttut gaskkal Hammerfeastta ja Áhkárvuona Sállanis, lassánit miessemánu rájes. Dasa lassin buoridit gálvofievrredan kapasitehta.
Ruvttu rievdaduvvo dál erenoamážit buoridan dihte Áhkárvuona guolledoalu dili. Sii leat čalmmustahtán ahte rahčet kapasitehtain ja Finnmárkku fylkkagielda heivehallá dál dili mat oanehis áiggis dagahit ahte gálvofievrredan kapasitehta lassán 12 tonnain vahkkosaččat.
– Mii leat gulahallan Hammerfeastta suohkaniin dán birra ja mis leat maid eambbo doaibmabijut mat sáhttet buoridit dili, lohká váldolávdegotti jođiheaddji Geir Ove Bakken.
Dattege eaktudit lassi doaibmabijut ahte Hammerfeastta suohkan rievdada muhtin vuoruhemiid ja searvá maiddái ekonomalaččat dása.
Ođđa ruvttut
Dat diŋgojupmi maid Finnmárkku fylkkagielda lea sádden Boreal Transport AS fitnodahkii dagaha ahte biddjo ođđa ruvtu bearjadagaid ovdal gaskabeaivvi. Dan vuodjá MS Melkøy.
Dasa lassin heivehuvvo gaskavahkuid vuosttaš ruvtu, dát manná dál iđđes árrat, muhto go sirdo veahá maŋŋelii ovdal gaskabeaivái, de lea vejolaš geavahit stuorát fatnasa. Dán ruvttu vuodjá MS Ingøy, gosa čáhká 12 tonna gálvu.
– Loahpalaš ruvtoáiggit ja álggahandáhton ii leat vuos mearriduvvon, go dan fertet geahčadit ovttasráđiid Boreal Transport fitnodagain, loahpaha Bakken, muhto lasihastá ahte dát galgá leat sajis miessemánu mielde.
