Kristin Harila lea olahan 10. várrái. Son galgá goargŋut vel njealji várrái ovdal go časká dálá máilmmiolahusa.
Ánnejohkalaš Kristin Harila ja su mielvárregizzu Lama olliiga Nanga Parbat várrái geassemánu 26. beaivvi diibmu 07:00 (báikkálaš áigi).
Nanga Parbat lea 8126 mehtera alu, ja lea Pakistana nubbin alimus várri. Máilmmis ges 9. alimus várri.
Kristin Harilas lea ulbmilin goargŋut máilmmi 14. alimus várrái jahkebeale siste, ja časkit dálá máilmmiolahusa. Sus lea áigumuššan loahpahit goargŋunprošeavtta borgemánus.
