Dán čavčča lágiduvvojit oktiibuot guhtta inspirašuvdnabeaivvi Álttás, Čáhcesullos, Ålesundas, Hamaris, Grimstadas ja Mussiris, ja vuorrasiid biebmoillu ja dearvvašvuohta lea guovddážis.
Dán čavčča lágiduvvojit oktiibuot guhtta inspirašuvdnabeaivvi Álttás, Čáhcesullos, Ålesundas, Hamaris, Grimstadas ja Mussiris, ja vuorrasiid biebmoillu ja dearvvašvuohta lea guovddážis.
Eanadoallo- ja biebmoministtar Bård Hoksrud ja vuorrasiid- ja álbmotdearvvašvuođaministtar Åse Michaelsen bovdeba inspirašuvdnabeivviide vuorrasiid biebmoilu ja dearvvašvuođa birra.
đDeaivvadeamit leat miehtá riikka dál čakčat.
Háliideaba eanet buriid borramiid ja geahpedit váilebiebmama
– Buorre biebmu lea buori dearvvašvuođa ja eallinkvalitehta vuođđu olles eallimis. Dál lágidit mii guhtta inspirašuvdnabeivviid. Ulbmil lea váikkuhit eanet buriid borramiidda buhcciidsiiddain, geahpedit vuorrasiid váilebiebmama ja addit vuorrasiidfuolahusa bargiide fágalaš nannema, dadjá eanadoallo- ja biebmoministtar Bård Hoksrud.
– Buorit borramat lea okta dain deháleamos dáhpáhusain beaivvis olu vuorrasiidda. Dat addá loaktima ja eastada dávddaid. Smávva rievdadusain, nu go sirdit mállásiid maŋŋelii beaivái dahje dagahit hávskes borrama, sáhttet leat stuorra váikkuhusat borranillui. Dál sávan mun ahte dát olu buorit ovdamearkkat movttiidahttet gielddaid, dadjá vuorrasiid- ja álbmotdearvvašvuođaministtar Åse Michaelsen.
Bovdeba buot Norgga sátnejođiheddjiid
Hoksrud ja Michaelsen bovdeba buot riikka gielddaid searvat inspirašuvdnabeivviide.
Ráđđehus áigu čalmmustahttit, čohkket ja nannet barggu biepmu ja borramiid dáfus oppalaččat. Biebmo- ja borranillu vuorrasiidda lea fátmmastuvvon bargui.
Áigot movttiidahttit vuorrasiidfuolahusa bargiid
Inspirašuvdnabeaivvit lágiduvvojit sidjiide geat barget biebmofágain, sidjiide geain leat dikšunbarggut ásahusain ja ruovttubálvalusain, ja sidjiide geat movttiidahttet gielddahálddahusa oaidnit biebmooastima, biebmodoalu ja borranilu oktavuođaid.
– Buorre biebmofuolahus geahpeda medisiidnageavaheami ja lokte eallinkvalitehta. Dát lea dehálaš vai dustet máŋggaid servodat- ja dearvvašvuođahástalusaid. Inspirašuvdnabeaivvit galget ovddidit buriid ovdamearkkaid mat galget movttiidahttit vuorrasiidfuolahusa bargiid, dadjá Hoksrud.
Guhtta inspirašuvdnabeaivvi riikkas
Borranillu lea okta vuoruhansurggiin «Eallit olles eallima» -dieđáhusas. Biebmu vuorrasiidda fátmmastuvvo maiddái bargui ovddidit Norgga Biebmonašuvnna.
Dán čavčča lágiduvvojit oktiibuot guhtta inspirašuvdnabeaivvi:
Álttás golggotmánu 10.b.,
Čáhcesullos golggotmánu 11.b.,
Ålesundas golggotmánu 16.b.,
Hamaris skábmamánu 20.b.,
Grimstadas skábmamánu 26.b. ja
Mussiris juovlamánu 4.b.
Čađahankonferánssat
Inspirašuvdnabeivviid lassin bovde vuorrasiid- ja álbmotdearvvašvuođaministtar viđa čađahankonferánsii olles kvalitehtaođastusa birra vuorrasiidda, «Eallit olles eallima».
Semináras hupmet earenoamážit árbevirolaš biepmuid ja sámi biepmuid birra. Ollugat leat dieđihan seminárii, muhto leat ain sajit eambbogiidda, ja lea nuvttá oassálastit.
