-Almmuhus-
SMÁVVAOĐĐASATSpiinnebiergo­buvttadeapmi njiedjá

Spiinnebiergo­buvttadeapmi njiedjá

Journalista

-

-

Norgalaččat borret ain eanas spiinnebierggu, muhto dán jagi lea buvttadeapmi njiedjan. 

Dan botta go spiinnebiergobuvttadeapmi njiedjá, de lassána biebmoloddebuvttadeapmi. Dán jagi vuosttaš jahkebeali lassánii maiddái burro- ja sávzzabiergobuvttadeapmi go buohtastahttá 2022 loguiguin. 

Norgalaččat borret ain eanas spiinnebierggu. 2023 vuosttaš jahkebealis buvttaduvvui 66 000 tonna spiinnebiergu. Seamma áigodagas buvttaduvvui 57 000 tonna biebmoloddebiergu, 43 000 tonna burrobiergu ja 19 000 tonna sávzzabiergu, čájehit Statistihkalaš guovddášdoaimmahaga logut. 

Maŋimuš vihtta jagi leat norgalaččat borran 5,9 proseantta unnit spiinnebierggu, ja seamma jagiid leat borran 16 proseantta eanet vuoncáčivga- ja biebmoloddebierggu. 

Vihtta maŋimuš jagi lea burrobiergobuvttadeapmi bisson stabiilan, muhto sávzabiergobuvttadeapmi gal lea njiedjan 16 proseanttain. (©NTB)

-Almmuhus-