Porsáŋggu sámi giella- ja kulturguovddáš lágida giellakafea cuoŋománu 26. beaivvi.
Porsáŋggu sámi giella- ja kulturguovddáš lágida mánnosaččat giellakafeaid gos deaivvadit sii geat háliidit hupmat ja gullat sámegiela. Juohke deaivvadeamis lea ođđa fáddá ja gaskavahkku besset oasseváldit goarrut skuohpu skárriide, sisttis ja láđđis.
Sámi giella- ja kulturguovddáš oastá buot ávdnasiid mat dárbbašuvvojit deaivvadeamis.
– Ii dárbbaš maidege eará go buori miela váldit mielde, dadjala jođiheaddji Sara Marlene Stødle.