Dán jagi lágiduvvojit Kulturmárkanat Kárášjogas ođđajagimánu 29. beaivvi rájes gitta guovvamánu 11. beaivvi rádjái.
Kárášjoga gielda bovde joavkkuid, servviid, mánáidgárddiid, skuvllaid, ásahusaid, ealáhusdoaimmaid ja earáid searvat márkaniidda doaluiguin, čájáhusaiguin dahje doaimmaiguin.
– Mii leat válljen sirdit kulturmárkaniid buvttihan dihte doaimmaid sámi álbmotbeaivvi ávvudeami oktavuhtii. Mii háliidat maiddái ovdanbidjat iešguđege doaimmaid, mat lágiduvvojit miehtá márkana ja mii dárbbašat maiddái jurdagiid ja oaiviliid dis buoremus vejolaš prográmma várás, čállá Kárášjoga gielda gieldda neahttasiiddus.
Gielda dieđiha vel ahte sáhttet fállat lanjaid gieldda visttiin lágidemiide.
