Sámediggepresideanta Silje Karine Muotka rahpa kulturbálgá ja muitotávvala Duorggas, Evenášši suohkanis, bearjadaga.
Borgemánu 5. beaivvi rahpo Duorga kulturbálggis almmolaččat. Sámediggi ja Evenášši suohkan lea prošeaktaeaiggát, ja leamašan ovttasbargu Riksantikváran lassin báikkálaš ásahusaiguin, nu go Duorgá gilisearvi, Moski Reiseliv ja Várdobáiki.
Prošeavtta lea Sámediggi ja Riksantikvára ruhtadan.
Sámediggepresideanta Silje Karine Muotka rahpá kulturbálgá ja muitotávvala Duorggas, Evenášši suohkanis. Kulturbálgá rahpan lea oassin Duorgabeaivvi «Snubbadagen» . Presideanta rahpa bálgá ovttas sátnejođiheddjiin ja Duorgga giliservviin.
Duorgga kulturbálggis Evenášši gielddas Nordlánddas, leat šilttat eanadagas ja digitála gaskkusteapmi.
Duorga kulturbálggis álgá Duorga gilivisti luhtte ja loahpahuvvo Vierahakas.
Historjjálaš muitalusat
Boazosámit ásáiduvve Duorgai 1700-logus ja dan rájes leat orron doppe. Sii šadde dálolažžan, ja sis lei sihke boazodoallu ja eanandoallu birgenláhkin. Kulturbálgás beassat oaidnit máŋga goahtesaji main vuhtto márkkosámiid ássan. Kulturbálgás lea šilttat mat muitalit lestadialaš sárdnideddjiid birra, Ipmil osku ja buorideami birra. Kulturbálggis lea 2 kilomehter guhku. Šilttain lea maid QR-kodat, mainna beasat oaidnit filmmážiid, earret eará ulddaid birra.
Baskkes ja guhkes ávži Solheim dálu lahka gohčoduvvo Stohpogorsan. Daddjui ahte dáppe orui uldabearaš. Solheim dálu historjá birra sáhttat lohkat dás.
