Kristin Harila heaitá goargŋumis alimus váriid máilmmis dušše moatti vahku maŋŋel go bijai ođđa máilmmiolahusa jođánepmosit goargŋut 14 alimus vári badjel 8000 mehtera.
Harila, gii lea Čáhcesullos eret, válddii olahusa suoidnemánus go ollii K2 aláža ala, mii lea máilmmi nubbin alimus várri. Oktiibuot geavahii son 92 beaivvi goargŋut 14 vári.
Dál lea son dattetge geargan goargŋumis váriid mat leat badjel 8000 mehtera.
– Lean várra geargan goargŋumis dál, dadjá son Kronstadpostenii.
Dál áigu Harila doallat logaldallamiid, čállit girjji ja ráhkadit filmma. Son bargá maid golmmain eará prošeavttain.
(©NTB)
