Ođđa olbmos lea duođaštuvvon covid-19 njoammudávda. Olmmoš lea dál Girkonjárgga buohcceviesus.
Koronabuohcci olmmoš lea leamaš Girkonjárgga buohcceviesus olles beassážiid, ja su leat čađat gieđahallan dan vuođul ahte lea koronabuohcci. Koronaiskosa vástádus bođii lávvordaga, ja čájehuvvui ahte lea positiiva.
Doahttalan dihte persovdnasuodjalusa ja jávohisvuođageatnegasvuođa, de ii atte Finnmárkkus buohcceviessu dieđuid buohcci birra.
Finnmárkku buohcceviesus leat dál guokte olbmo geat ožžot divššu dávdda dihte.
Dat boahtá ovdan Finnmárkku buohcceviesus preassadieđáhusas.
