Lea vuosttaš haddelasáhus guovtti jagis, ja maŋimus 24 mánus lea muđui haddelasáhus servodagas leamaš stuorit go dábálaččat.
Danne lea fylkkadiggi mearridan bussemátkkiid oppalaččat divrudit 6 proseanttain ja leaktofatnasiid 15,62 proseanttain. Fearggat bissot nuvttá.
– Jus dávjá mátkkoštat bussiin dahje guhkebuš gaskkaid, de mávssát máŋgga dáfus unnit go ovdal guovvamánu 1. beaivvi. Mii leat dál hálbbidan 30 ja 90 beaivásaš áigebileahtaid vai šaddá hálbbit sidjiide geat dárbbašit busse árgabeaivvis, dieđiha Finnmárkku fylkkagieldda gulahallanráđđeaddi Sunniva Tønsberg Gaski.
Dasa lassin lea bileahttastruktuvra viiddiduvvon 8 sonas 12 sonai. Dat rievdadus mearkkaša ahte guhkes bussemátkkit 3 ja 11 sona gaskka hálbot guovvamánu 1. beaivvi rájes.
Bileahtta logi ruvdnui
Sii álggahit maid liigehálbbes eahketbileahtaid gávpotbussiin maid ruvttonummir lea vuollel 100. Maŋŋá dii. 17 máksá bileahtta dušše 10 ruvnno. Dát lea vai šaddá geasuheaddjin čuovvut busse astoáiggedoaimmaide, go busses lea buorre sadji.
– Mii áddet ahte hadderievdamat sáhttet váikkuhit mátkebušehttii, ja danne mii háliidit čilget manne lea dárbu rievdadit ná, dadjá Gaski.
Bussehattit
6 proseantta bussabileahtaid divrun speadjalastá doaibmagoluid lassáneami ja dárbbu bisuhit luohtehahtti ja beaktilis bussebálvalusa.
– Haddelasáhus lea gorgŋon veahážiid mielde máŋggaid jagiid, ja dát mudden lea dárbbašlaš vai sihkkarastit ahte bálvalusa kvalitehta bisuhuvvo. Boaldámušhattit, divodangolut ja oppalaš doaibmagolut leat fáktorat mat leat dagahan dárbbu hadderievdadeapmái.
Haddemudden lea vuollelis go obbalaš haddelasáhus servodagas.
Leaktofanashattit
Buot leaktofatnasiid bileahtat divrot 15,6 proseanttain. Dat mearkkaša ahte rávisolbmo bileahtta ovdamearkka dihte VargsundXpressen fatnasis divru 414 ruvnnus 479 ruvdnui.
– Dat lea maiddái boađus haddelasáhusas mii lea leamaš máŋggaid jagiid. Leaktofatnasiid jođihemiin leat dihto hástalusat, nu go boaldámušgoluid divrun, fatnasiid bajásdoallan ja muddemat mat váikkuhit mearrajohtolahkii. Dát divrudeapmi lea dárbbašlaš dustet dáid hástalusaid ja bisuhit luohtehahtti ja sihkkaris leaktofanasbálvalusa.
Haddelasáhus vástida mearrafievrridangoluid lassáneapmái.
