Dán jagáš «Allsang på grensen» álgá geassemánu 24. beaivvi ja Keiino searvá dán jagi maid.
TV2 čállá preassadieđáhusas ahte geassemánu 24. beaivvi ilbmá dán jagáš «Allsang på grensen» prográmma. Dat lea 15. áigodat ja olu áigeguovdilis artisttat ja joavkkut servet. Earret eará Kurt Nilsen, Sissel Kyrkjebø, TIX, Stavangerkameratene, Marcus & Martinus ja Keiino. Stáhtaministtar galgá maid searvat.
Prográmma láidesteaba Katrine Moholt ja Stian «Staysman» Thorbjørnsen.
Keiino lei diibmá maid searvan prográmmii. Dán jagi sáhtát geahččat Keiino TV2:s guđat «Allsang på grensen» prográmmas, suoidnemánu 29. beaivvi.
