Kárášjoga gielddastivra rievdadii ráđđealbmá virgenamahusa gielddadirektevran mannan duorastaga.
Kárášjoga gieldda ráđđealmmái Kurt Maurstad bođii gielddastivrra čoahkkimii ráđđealbmá namas ja go vulggii gielddastivrras, de lei gielddadirektevra Kurt Maurstad.
Sivva dán virgenamahusa rievdadeapmái lea go gielda ii hálit virgenamahusa čujuhit goappáge sohkabeallái, nu mo ráđđealbmá virgenamahus dagai.