Kárášjoga gielda ávžžuha buohkaid geat bohtet Kárášjohkii váldit koronaiskosa.
Eastadan dihtii Kárášjoga oažžumis koronanjoammuma, de ávžžuhit studeanttaid ja earáid, geat bohtet báikkiin gos alla njoammunlogut, váldit iskosa go bohtet Kárášjohkii, čállet Kárášjoga gieldda neahttasiiddus.
Lea bággu váldit iskosa jos leat vuoiŋŋahatbohcci-, nuorvo-, dahje eará koronadávdamearkkat.
Gielda čállá ahte lea dehálaš ahte ii mana doaktára lusa jos navdá ahte lea korona, muhto ahte váldá oktavuođa telefovnna bokte. Galgá riŋget doavtterstašuvdnii tlf: 78 46 85 00. Dat lea rabas gaskal 08.00 ja 15.30.
