Vaikko vel giliáhkut ledje ge čoahkkanan ja ovttas hutkagoahtán mo bissehit olgoriikalaččaid bisáneames gillái, de lea doppe okta nieida gii gal ii leat hárbman. Gii dat lea go? Na, Kirste dieđusge. Su mielas dat ii leat mihkkege váttisvuođaid dat go Igor, Vladimir ja San Michael leat boahtán.
Dát fearánat ránnjážiid birra leat dáhpáhuvvan ovtta gilážis, na soaitá vaikke Jergulis, Mázes, Sirpmás dahje Gáivuonas, gii dan diehtá. Ránnjážiin leat goit, nu go ránnjážiin lávejit ge, olu somás ja muhtun eai nu somás dáhpáhusat. Ráhkesvuohta, birgejupmi ja balahahkesvuohta dagahit olu bárttiid giliolbmuide.
Dán jagi beassabehtet gullat nuppádassii juovlakaleandara mii almmuhuvvui juovlamánu 2018.
