Sámediggeráđđi juolluda 150 000 ruvnno ovdánahttit veasku, mii galgá sisttisdoallat iešguđetlágan duodjebuktagiid lullisámi guovllus.
Sámediggeráđđi juolluda 150 000 ruvnno ovdánahttit veasku, mii galgá sisttisdoallat iešguđetlágan duodjebuktagiid lullisámi guovllus.
Duodjeveasku galgá geavahuvvot sámi duoji/duedtie/garraduoji, giela ja lullisámi árbevieru gaskkusteamis ja oahpahusas. Dat lea Duodjeinstituhtta Lullisámi regionossodat mii háliida geavahit veaskku lullisámi duoji/garraduoji, giela ja lullisámi árbevieru gaskkusteamis. Dát prošeakta fállojuvvo mánáide ja nuoraide.
Diŋgojit dujiid
Duodjeinstituhtta galgá diŋgot duedtie/duoji/garraduoji iešguđetgelágan duojáriin. Dáidda máŋggalágan veaskobuktagiidda galgá maid ráhkaduvvot gihppagaš.
Mihttu nannet rekruterema
Sámediggeráđđi Thomas Åhren lohká ahte dát lea gelddolaš prošeakta, mii váikkuha ahte lullisámi árbediehtu seailluhuvvo.
– Sámedikkis lea mihttu nannet rekruterema duodjeealáhussii, ja dasto leat dakkár máhttogaskkustanprošeavttat dehálaččat lasihit oahpu ja beroštumi sámi árbevirolaš duodjái, lohká sámediggeráđđi Thomas Åhren.
