UNI vuođđudus dieđiha preassadieđáhusas ahte mearridedje geassemánu 11. beaivvi stivrračoahkkimis juolludit 100.000 kruvnna P 4324 Alta Røde Kors Hjelpekorps hahkat alcceseaset ođđa gearggusvuođabiilla.
Áltá Rukses Ruossa čálle dán searvvi birra go ohce ruđaid UNI vuođđudusas.
Álttá Rukses Ruossa Veahkesearvvis lea 53 doaimmalaš miellahtu geat oassálastá 13 ohcamiin- ja gádjumiin 2018.
Oatnelanbottas lea sis bargoveahka ja reaiddut gearggus veahkehit almmolaš gádjunásahusaid.
Sáhttet leat láhpon olbmuid ohcamat, veahkehit roasuin ja veahkehit ambulánsabálvalusa jus lea doaresbealde.
Veahkesearvi lea rahčan maŋimuš jagiid háhkat alcceseaset buriid reaidduid vai sáhttet veahkehit go lea dárbu.
Searvvis lea dál guokte muohtaskohtera oktan reagain, geres ja njealljejuvllat oktan goalusjorriin.
Dasa lassin lea searvvis guokte goalusjorri dáid fievrruid fievrredeapmái.
Alta Røde Kors Veahkesearvvis ii leat dál iežaset biila.
Searvi lea guhkes áiggi ráhčan háhkat reaidduid searvái ja lea geavahan iežaset priváhta biillaid go lea veahkehanbarggus.
Dál manná ádjánit viežžat reaidduid vuorkkás ja daid fievrredit biillaide ja fas doalvut daid vuorkái.
Buot mii dárbbašuvvo veahkehit ja viežžat buohcci, ii dušše sáppela, vuosttašveahkkireaidduid, muhto maid veahkebargiide kárttaid, uđasveahkkereaidduid, čuovggaid ja nu ain fertejit páhket ja fievrredit. Manná olu áigi dása ja sáhtášii viežžan- ja doalvunáiggi oanidit mealgat.
Dál lea turisttalohku lassánan ja olbmuid vádjoleapmi duoddaris lea rievdan.
Jagis jahkái lassána heahtečuorvvas.
Alta Røde Kors veahkesearvi áŋgirduššet olahit áigumuša «Buoremus gádjun vuonas várrái».
Danin lea sidjiide dehálaš ahte sis lea gearggusvuođabiila mii lea gearggus vuodját dalán veahkehit.
Veahkesearvi lea kárten dárbbu dárkilit ja gávnnahan sii dárbbašit gálvobiila mas lea njealljejuvllafápmu – VW Crafter.
Dán biilii sáhttá ráhkadit hilduid buot reaidduide maid dárbbašit gádjunbarggus, ja dasa lassin sáhttá dán biila rievdadit gohččunbiilan stuorát roasuin.
Biilla doaibmagoluid nu go eará veahkkereaidduid, máksojuvvojit go vuvdet vuosttašheahteveahkekurssaid ja sanitehtafávttaid bokte álbmogii.
