Nordlándda fylkkagieldda fylkkaráđi jođiheaddji lohká Nordlándda váriin dievva minerálaid ja riggodagaid mat eai leat kártejuvvon.
Nordlándda fylkkagieldda fylkkaráđijođiheaddji, Bargiidbellodaga Tomas Norvoll, lohká Norgga dárbbašit bargosajiid ja Nordlándda váriin leat dievva minerálat ja riggodagat mat eai leat kártejuvvon. Diibmá geahpedii ráđđehus minerálakártemii 25 miljovnnain kruvnnuin, eai ge leat juollut 2017:s maidege.
Ii hálit barggu heaittihit
Nordlándda fylkkagieldda fylkkaráđi jođiheaddji ii hálit dan barggu heaittihit ja juolludii 2016 ruđaid minerálaohcamii Lofuhtii, Viestterállasii ja Árbordii. Dasa lassin lea juolludan ruđaid NGU:i (Norgga Geologalaš Iskamiidda) ruđa ohcat apatihtta minerála miehtá fylkka.
– Mii dahkat dan go min mielas lea dehálaš ahte ealáhusas lea einnosteaddji rámmaeavttut fylkkas, deattuha Nordvoll. Lohká son livčče eambbo juolludan go dan miljovnna maid dahke, 2017 bušehttii.
https://www.nfk.no/aktuelt/bevilger-til-mineralleting.861525.aspx
