Sámediggeráđđi juolluda 325 000 ruvnno Unjárgga investerensearvái Dirgi AS:i, mii áigu rievdadit hámi Fjordgården 1- visttis Vuotnabađas.
Investerensearvi Dirgi AS eaiggáduššá Fjordgården 1, mii lea Vuonnabađa guovddáža fitnodatguovddáš, mas leat Restaurant Capri ja Hotellet 8 Seasons.
Digri AS áigu rievdadit vistti olguldasat. Earret eará galgá visti skoađastuvvot ja čuovggat galget biddjot. Dán jagi leat investerejuvvon 10 ođđa hoteallalanja vistái ja čakčat leat álggahan hotealladoaimma.
Doarjja lea addojuvvon doarjjaortnegis Ealáhusat, fitnodatovddideapmi, lotnolas- ja meahcceealáhusat, ja doaibmabidju gullá vuoruhemiide, danne go lea ovddidandoaibmabidju mii váikkuha ollu fitnodatovddideapmái.
– Hotealla ásaheapmi ja vistti divvun, mas lea hotealla ja restauráŋŋa, lea deaŧalaš áŋgiruššan mii addá stuorra oalgeváikkuhusaid eará ealáhusaide Vuonnabađas ja guovlluin birrasis, dadjá sámediggeráđđi Silje Karine Muotka.
