Norgalaččat, geat ásset lulimus guovllus Norggas, leat sii geat áigot eanemusat ja unnimusat geavahit skeaŋkkaide.
Leat stuora erohusat man olu áigot geavahit.
Gaskamearálaččat leat sii geat leat badjelaš 18 jagi boarrásat plánen geavahit 6246 ruvnno skeaŋkaoastimii, čájeha ođđa iskkus man Norstat lea čađahan Storebrand ovddas, man Fædrelandsvennen lea almmuhan. Birrasii 15 proseantta olbmuin lohket áigut geavahit 10 000 ruvnno.
– Golahit lagabui 9000 ruvnno skeaŋkaoastimiidda lea hirbmat olu, ja sáhttá ollugiidda šaddat hehttehussan birget beaivválaš ekonomiijas, lohká Storebrand olbmuidmárkanastima konseardnadirektevra, Heidi Skaaret aviisii.
Erohus gos orut
Skaaret ballá ahte ollugat dovdet bákkolašvuđa golahit ruđa ja bidjet eanet ruđa go mii sis oba ge lea.
Ruhtageavaheapmi lassána agi mielde. Sii, geat leat gaskal 18 ja 29, golahit gaskamearálaččat 3963 ruvnno, ja sii, geat leat badjel 67, geavahit buot eanemusat juohkehaš, mii lea 8884 ruvnno.
Dat mii hirpmahuhttá eanemusat leat geográfalaš erohusat, go Aust-Agdera ássit áigot unnimusat golahit, 4865 ruvnno.
Vest-Agderis áigot ges eanemusat golahit, namalassii 8778 ruvnno – mii lea eanemusat Norggas.
Guottuid duohken
Jearaldat lea, lea go hánis dahje skeŋke go bearehaga go golaha ruđaid.
Erohusat leat nu stuorrát ahte ferte leat eará go dušše ekonomiija. Sáhttet guottut leat duohken, lohká Skaaret.
Oslos ja Hordalánddas áigot maid unnit golahit skeaŋkkaide, ja Romssas ja Rogalánddas ges eanet. Romsalaččat lohket áigut golahit 7814 ruvnno juohkehaš.
(©NTB)
