Jus it leat várrugas go bážát rahkeahtaid de sáhtát massit oasi dáhkádusas. Juohke jagi dagahit rakeahtat vahágiid olbmuide, biillaide ja viesuide. Jus don leat áššálaš go du rahkeahtta maid bážát buollaha dahje vahágahttá man nu go it leat leamaš várrugas, de sáhttá jahki 2018 šaddat divrrasin.
Jus it leat várrugas go bážát rahkeahtaid de sáhtát massit oasi dáhkádusas. Juohke jagi dagahit rakeahtat vahágiid olbmuide, biillaide ja viesuide. Jus don leat áššálaš go du rahkeahtta maid bážát buollaha dahje vahágahttá man nu go it leat leamaš várrugas, de sáhttá jahki 2018 šaddat divrrasin.
– Jus leat sivalaš stohpobuollimii rakeahtaid geažil, de sáhttá dáhkádusbuhtadus vuoliduvvot máŋga čuođi duhát ruvnnuin, ja dađi bahábut vel eanet jus leat juhkanvuođas dan dagahan. Dáhkádus sturrodat mearriduvvo man unnán várrugas ledjet go lihkohisvuohta dáhpáhuvai. Stobu lea divrras hukset fas, ja ii dárbbaš leat stuorra vuolideapmi dáhkádusbuhtadusas ovdal go sáhttá šaddat divrrasin. Jahki 2018 sáhttá šaddat divrrasin, nu muitala Torbjørn Brandeggen Tryg Dáhkádusfitnodagas.
Diibmá dieđihuvvo 99 viessobuollima ja dáhkádussupmi šattai sullii 120 miljovnna ruvnnu, čájehit Finans Norge logut. Muhtin dáid buollimiin jáhkket leat iešdáhtos cahkkehan, earát fas sivahit olmmošlašboasttuvuođaid.
Vaháguvvamat njiedjan
Maŋimuš jagiid leat rakeahttabáhčč vaháguvvamat njiedjan.
– Maŋimuš jagiid leat rakeahttabáhččin vaháguvvamat njiedjan. Sivvan dasa sáhttá leat go olbmot dihtet eambbo sihkkarvuođa ja váralašvuođa birra. Olbmot leat maiddái šaddan olu čeahpit geavahit suodjalančalbmeglásaid go ovdal, muitala Brandeggen Tryg Dáhkádusfitnodagas Ávvirii preassadieđáhusas.
Ná sihkkarastát iežat ođđajageruohta:
* Buohkat galget coggat suodjalančalbmeglásaid
* Ráhkkan buori áiggis rakeahttabáhčimii
* Loga geavahanráva bures ovdal geavaheami
* Geahča ahte rakeahtat eai leat man ge láhkái billašuvvan
* Bija rakeahtaid dan láhkái vai eai gopmán
* Ale guvrá rahkeahtaid badjel go leat buollimin
* Ale cahkket rahkeahtaid ođđasit jus álggus eai leat buollán
* Čuoččo guhkkin eret maŋŋá go leat cahkkehan rakeahta
* Alkohola ja rakeahttabáhččin ii dohkkehuvvo
* Juohke gielddas leat njuolggadusat goas lea lohpi rakeahtaid báhččit. Dábálaččat lea gielddus báhččit rakeahaid earret go ođđajageruohta gaskkal diibmu 18.00 ja 02.00
* Muitte čorget rakeahttabázahusaid iežat maŋis, mas eai mánát daid gávdnat ja skáidnet iežaset daiguin.
