-Almmuhus-
-Almmuhus-
OĐĐASAT Jotket sáme­vaši easta­demiin

Jotket sáme­vaši easta­demiin

-

-

Romssa valáštallansearvi ja Tom Høgli čuovvolit #doarváidál kampánja ja hástalit iešguđetge aktevrraid čalmmustahttit sámi giela ja kultuvrra. 

Diibmá juovlamánus ásahuvvui Romssas #doarváidál kampánja maŋŋel go nuorra sápmelaš lei cielahuvvon busses danin go sámástii. 

Romssa valáštallansearvi lei njunnošis doarjumin kampánja mii galggai eastadit sámevaši. Dál leat mearridan joatkit eastadanbargguin ja čuovvolit Romsadál nammasaš prošeavttain mas ávžžuhit iešguđetge aktevrraid čalmmustahttit sámi giela ja kultuvrra. 

– Mihttun lea oažžut mielde nu oallugiid go vejolaš vai eastadanbargu fuomášuvvo. Mii ávžžuhit oasseváldiid lasihit sámegiela iežaset neahttasiidduide, plakáhtaide ja nu ain viidáset. Romssa valáštallansearvvi bealis áiggošeimmet ráhkadahttit kapteaidnabáttiid sámegillii, mii áigut čállit sámegillii iežamet neahttasiidduid ja dáhttut čuojahit sámi musihka čiekčamiid oktavuođas, dadjá Romssa valáštallansearvvi servodatoktavuohta Tom Høgli Nordlys aviisii.  

-Almmuhus-