Vaikko politiijat šadde heaittihit feastta studeanttaviesus, Romssas, de ii mannan beare guhká ovdal go politiijat fertejedje ođđasit vuolgit studeantavissui.
Borgemanu 11. beaivvi šadde politiijat heaittihit feastta studeantaviesus, Romssas. Muhto politiijat fertejedje ođđasit vuolgit báikái go eai jeagadan politiijaid.
Romssa politiijaguovllu operašuvdnahoavda Jørgen Ahlquist muitala ahte sii váidet boahtte háve jus nu fas šadda.
– Go mii vuosttaš have bođiimet, de manne studeanttat iežaset lanjaide, muhto de riŋgii Securitas bearráigeahčču ja muitalii ahte studeanttat ledje vuohon álgán festet. De mii logaimet ahte jus nuppes geavvá nu, de mii váidit, muitala Ahlquist.
(©NTB)
