Finnmárkku politiijat dieđihit ahte leat gávdnan jápmán nissonolbmo Deanus mannan ija.
Finnmárkku politiijat dieđihitahte leat mannan ija ožžon dieđu ahte 60-jahkásaš nissonolmmoš lea gávdnon jápmán muhtin priváhta ruovttus Deanu gielddas. Politiijat ledje báikkis.
– Mii oaččuimet dieđu dii 02:47 mannan ija ahte lei gávdnon jápmán nisu muhtin čujuhusas Deanus ja mii vulggiimet báikái. Mii ovttasráđiid dearvvašvuođabargiiguin konstateriimet ahte nisu lei jápmán, dadjá Finnmárkku politiijaguovllu operašuvdnajođiheaddji Erik Pedersen.
Sáddejuvvo obdukšuvdnii
Siva manne nisu lea jápmán eai dieđe vuos ja danne sáddejuvvo nisu obdukšuvdnii.
– Ii leat mihkkige mii čájeha ahte lea geavvan juoidá vearredahku, muhto ahte lea dábálaš jápminsivva, dadjá operašuvdnajođiheaddji Pedersen.
