Golbma vahkku ovdal go feastariemut álget lea feastariemuid direktevra Maria Utsi hui duhtavaš bileahttajođuin, go leat nagodan 2011 vuovdinolahusa časkit.
Golbma vahkku ovdal go feastariemut álget lea feastariemuid direktevra Maria Utsi hui duhtavaš bileahttajođuin, go leat nagodan 2011 vuovdinolahusa časkit.
Bileahttavuovdin dán jagáš Davvi-Norgga feastariemuide Háršttákis lea buorre ja lágideaddjit illudit. Mannan vahkkoloahpa nagodedje olahusa vuovdit eanet bileahtaid go 2011:s, go lei maŋemus olahus.
Plánaid ovdalis
Feastariemut leat guokte vahkku plánaid ovdalis bileahttavuovdimiin, go riemut álget geassemánu 18. beaivvi.
– Mii leat nu ilus dán jagáš prográmma ovddas mas lea Davvi-Norgga dáidda- ja kultureallin guovddážis, ja dat geasuha olbmuid, dadjá feastariemuid direktevra Maria Utsi.
Ollu bileahtat mannan jo
Leat Storsalen doalut Hárštták kulturviesus mat eanemusat geasuhit. Violet Road ovttas NOSO:in lea konsearta masa leat jo vuovdán buot bileahtaid. Moadde bileahta vel báhcán Ane Brun konsertii ja Hekla Stålstrenga konsertii. Ágy konsertii lea maid hui buorre johtu, dieđihit lágideaddjit preassadieđáhusas.