Ealgabivdu álggii Guovdageainnus ja Kárášjogas odne, ja máŋgačuođi ealgabivdi leat bivddus dán áigodagas. Politiijat ja SNO áigot dollet mátkái ja iskat ahte ealgabivdit čuvvot lágaid.
Ealgabivdu álggii Guovdageainnus ja Kárášjogas odne, ja máŋgačuođi ealgabivdi leat bivddus dán áigodagas. Politiijat ja SNO áigot dollet mátkái ja iskat ahte ealgabivdit čuvvot lágaid.
Ollu ealgabivdoguovllut leat guhkkin eret luottain, ja ollu njealjejuvllagat ja eará meahccevuojánat leat meahcis manus ealgabivddus.
Politiijat galget ovttas SNO:in iskat ahte ealgabivdit čuvvot lágaid nu go fuođđolága, muturjohtolatlága ja vearjolága. Dasa lassin áigot iskat vudjet go vuojániiguin geaidnojohtolatlága mielde, ja isket lea go vuodjinlohpi, dieđiha boazopolitiija preassadáieđáhusas.
Oasit maid isket
Politiijat ja SNO deattuhit iskat lea go bissu ráddjejuvvon muturfievrrus nu ahte ii leat sadjagasas vuojidettiin. Dokumeanttat nu go mákson bivdodivat, vearjolohpi, duođaštus ahte lea ceavzán báhčingeahččaleami ja hálddašanlobit leat oasit maid isket.
Bissu ja luođaid iskojuvvojit maid leat go lága mielde ja lea go dohkkehuvvon ealgabeana fárus. Leairabáiki galgá maid čorgejuvvot go bivdu lea nohkan.
