-Almmuhus-
-Almmuhus-
LIŊKA BIOSIselin ja Biret Inger jođiheaba ávvu­sáddaga dán jagi maid

Iselin ja Biret Inger jođiheaba ávvu­sáddaga dán jagi maid

-

-

Ávviris lea maiddái dán jagi neahttasátta Sámi álbmotbeaivvi. 

Diibmá lei vuosttaš geardde go Ávvir sáddii neahttasáddaga Sámi álbmotbeaivvi. Dán jagi lea Ávviris seamma fálaldat. Ávvusáddaga oaidná sotnabeaivvi guovvamánu 6. beaivvi diibmu 18.00 avvir.no siiddus.

Sátta lea báddejuvvon gárvvisin Kárášjogas ja bistá sullii bealnot diimmu. Sáddaga prográmmajođiheaddjit Iselin Skum ja Berit Inger Eira lohkaba illudit sáddagiin.

– Dá lea fiinna vuohki ávvudit ja čalmmustáhttit Sámi álbmotbeaivvi go rohttudávda ain gáržžidda nu ahte fysálaš doalut eai lágiduvvo ollu guovlluin. Diibmá lei hui somá ja moai illudetne go besse dán jagi maid láidestit min gehččiid sáddaga čađa, dadjá Iselin. 

Nuorra juoigi vuohččan ovdanbuktime

Soai muitaleaba ahte sáddagis leat sihke duođalaš ja somás ságastallamat. Fárus leat guossit geat leat oahppásat eatnasiidda ja maid ođđa ámadajut. 

Dasa lassin beassat gullat ođđa, nuorra juoigi vuosttaš geardde ovdanbuktime luođi.  – Studioi bohtet njeallje čaffadis ja áigeguovdilis guossi. Mis šaddá sihke historjja, rasismma, sámi identitehta ja luođi birra sáhka. Dasa lassin beassat oaidnit movt feasttamállasiid sáhttá gohkket, movt mánát illudit beaivái ja man ollu nuorat dihtet Sámi álbmotbeaivvi birra, muitala Biret Inger. 

Iselin lasiha ahte sii leat maid humadan Fovsen-Njaarke boazodolliiguin geat muitalit movt lea leamaš bajásšaddat doarrut vuoigatvuođaid ovddas badjel 20 jagi,

– Viiddis sátta

Ávvira váldodoaimmaheaddji Kari Lisbeth Hermansen lohká sii leat ilus go dán jagi maid sáhttet fállat viiddis sáddaga iežaset lohkkiide Sámi álbmotbeaivvi.

– Koronapandemiija gáržžida ain min vejolašvuođaid čoahkkanit ja ovttas ávvudit, danne sáddet mii dán jagi, nu go diibmá, sierra ávvusáddaga, dadjá Hermansen. 

-Almmuhus-