Koronaepidemiija čuohcá garrait Norgga ealáhusaide, ja NAV:s leat badjel 100.000 ohcama virgelohpái. Suodjalusas lohket dárbbašit buot bargiid.
– Dákkár dilálašvuođain, gos Suodjalus čoavdá fásta bargguid ja dasa lassin veahkeha siviila servodaga, ii leat virgelohpi oba fáddánge. Mii dárbbašat buot bargiid mat mis leat, dadjá bargiiddirektevra Tom Simonsen Suodjalusa forumii.
Fitnodagat mat buvttadit bálvalusaid Suodjalussii leat gaskaboddosaččat bidjan bargiid virgelohpái ja sádden várrehusa virgelobiid birra. Earret eará lea ISS Facility Services, mii bassá Suodjalusa visttiid, dan dahkan.
