Olmmoš gii jámii Hámmárfeasttas ii jápmán covid-19 geažil.
Gieskat dieđihuvvui ahte okta pasieanta, geasa lei njommon covid-19, jámii Hámmárfeastta buohcceviesus. Hámmárfeastta suohkana sátnejođiheaddji Marianne Næss Sivertsen čuoččuhii vuossárgga preassačoahkkimis ahte ii oktage leat jápmán covid-19 geažil Hámmárfeasttas, dát olmmoš galgá leat eretvádjolan eará sivaid geažil.
Covid-19 ođas
Sivertsen Næss maid muitalii ahte Hámmárfeasttas lea maŋimuš positiiva vástádus koronaiskosis boahtán mannan bearjadaga. Dát olmmoš lea isolašuvnnas ja njoammunguorran lea dahkkon.
Mannan vahkus lea Hámmárfeasttas oktiibuot guhttasii njommon dávda. Dál lea lohkásis oktiibuot olles suohkanis dávda, ja viđas dain leat buohcceviesu bargit. Viđas leat maid dearvvašnuvvan dávddas. 321 olbmo leat iskkaduvvon gieldda bealis, ja buohcceviesus leat fas 500 olbmo iskkaduvvon mannan vahkus. Eanaš vástádusat leat boahtán, ja leat negatiivvat.
– Muhto mii oaidnit ahte muhtumiin leat dávdamearkkat, ja sáhttet ain positiiva logut ihttit, dadjá Sivertsen Næss.
Guokte máná
Golggotmánu rájes lea 44 olbmui njommon covid-19. 42 ollesolbmui, ja guovtti mánnái.
