Suoma beale Sámediggi evttoha ahte guolástannjuolggadus ráđđádallo ođđasis. Sámedikki stivra mearridii Deanu guolástannjuolggadusa guoski cealkámušas 5.9.2023.
Deanu guolástannjuolggadusevttohus, mii lea dál cealkinláhkái, loavkida sámekultuvrra suoji, sámiid opmodatsuoji ja maiddái iešmearridanvuoigatvuođa, čállá Sámediggi. Hápmosis ii maiddái leat sámiid friddja, dihtui vuođđudeaddji ovdamiehtan. Sámediggi oaivvilda ahte guolástannjuolggadusa galgá ráđđádallat ođđasit.
– Stáhtaráđđi attii ráđđádallansáttagotti ásaheami oktavuođas celkosa, mii deattuhii luossanáliid ealáskahttima sihkkarastima ja sámiid vuoigatvuođaid ovddideami. Sámiid vuoigatvuođat leat goittotge healbaduvvon guolástannjuolggadushápmosis, iige Sámediggi sáhte dohkkehit njuolggadusa dán hámis, dadjá Sámedikki ságajođiheaddji Tuomas Aslak Juuso preassadieđáhusas.
