Ihttin almmuhuvvojit diimmá dienasjagi vearrolisttut. Olbmot eai leat liikká áŋgirat šat ohcat listtuin go ovdal ledje.
Ihttin almmuhuvvojit diimmá dienasjagi vearrolisttut. Olbmot eai leat liikká áŋgirat šat ohcat listtuin go ovdal ledje.
Vearroetáhta lea mearkkašan ahte olbmot eai leat šat liikká áŋgirat ohcat earáid opmodaga ja dietnasa vearrolisttuin, maŋŋil go 2014:s álge logget gii ohcá gean ge.
– Dál olbmot ohcet dušše logádasoasi das maid ovdal lávejedje. Ohccit leat unnon beliin, ja olbmot eai beroš ge geahččat gii su loguid lea geahččan, lohká Vearroetáhta gulahallandirektevra, Mariken Holter.
Unnan ohcan
Diimmá golggotmánu rájes leat 470 000 olbmo čađahan 1,5 miljovnna ohcama Vearroetáhta vearrolisttuin.
2012:s ledje 927 000 olbmo geat čađahedje 16,5 miljovnna ohcama. 2015 vearrolisttut almmuhuvvojit Vearroetáhta neahttasiidduin.
Ferte logget MinID:in sisa vai galgá beassat ohcat listtuin. Sáhtát maid oaidnit geat du ohcet.
Media ožžot listtuid
Mediat ožžot listtuid journalisttalaš ulbmiliidda, ja vuolláičállet šiehtadusa mas ráddjejuvvo maid oažžu almmuhit.
– Preassa geatnegahttojuvvo šiehtadusain doalahit almmuheames olles dahje osiid listtuin. Media oažžu čállit eaŋkilolbmuid birra, ja almmuhit njunuš-listtuid, lohká Holter.
