Oberstløytnánta Bernt Normann Lockert šattai duorastaga Finnmárkku ruovttusuodjalusguovllu (HV-17) ođđa hoavdan.
Lei Ruovttusuodjalusa hoavda, generálamájora Elisabeth Michelsen, gii formálalaččat bijai Lockerta ođđa hoavdan allamenolaš seremoniijas Iŋggášguolbana Garnisonas duorastaga.
Seammás giittii ovddeš oberstløytnánta Stein Ulvolden Høye su áiggi ovddas HV-17 hoavdan.
– Mus leat leamašan vihtta rámálmas jagi HV-17:s, earret eará buorit bargoustibiid dihtii, geaiguin lean bargan dáid jagiid, buohkaid geaiguin lean deaivvadan ja buot ovttasbargiid geaiguin lean deaivvadan. Háliidan sávvat olu lihku bargguin Lockertii, dadjá Høye.
Niehkobargu
Bernt Normann Lockertas lea viiddis bargovásáhus Suodjalusas ja lea earret eará leamašan dearvvašvuođadoallobataljovnnas, Brigade Nord-jođiheamis ja Veahkabargogottis.
Normann Lockertas lea maid bargovásáhus internationála operašuvnnain, earret eará Afghanistanas, ja lea viiddis oahppu sihke militearas ja siviila dásis.
Lockerta dieđuid mielde de lea ožžon niehkobarggu dál.
– Leat HV-17 hoavdan lea niehkovirgi ja lea bálvalus man lean guhká vuordán. Seammás oaivvildan ahte dat ferte leat fiidnámus hoavdavirgi olles Suodjalusas ja mus lea ovdamunni go lean ožžon dan, dadjá Lockert.
