Politiijat mearridedje lávvordaga loahpahit ohcamis dievddu gii láhppui Suolovuomis mannan vahkku.
Politiijat mearridedje lávvordaga loahpahit ohcamis dievddu gii láhppui Suolovuomis mannan vahkku.
Politiijat leat heaitán ohcamis 29-jahkásaš dievddu gii dieđuhuvvui láhppon mannan vahkku. Politiijat leat ohcan miehta jávrris gos dievddu fanas gávdnui.
— Mii leat ohcan miehta jávrri ja ohcan lea dál loahpahuvvon, lohká prošeaktajođiheaddji Oarje-Finnmárkku politiijaguovllus, Jan-Olav Schjølberg NTB:ii.
Ukrainalaš dievdu dieđihuvvui jávkan mannan vahku maŋŋel go su fanas gávdnui gopmánan jávrris Suolovuomis duottarstobu lahka. Politiijat álggahedje dalle ohcanákšuvnna ja ohcagohte maiddái čázi vuolde.
Operašuvnnajođiheaddji dieđiha ahte sii leat ságastallan láhppon dievddu oapmahaččaiguin, ja ahte sii eai joatkke ohcamis dievddu.
