Deanu heaibunsearvvi Signe Marie Fidje Store, galgá ihttin heaibut OG kvalifiseremis.
Deanu heaibunsearvvi Signe Marie Fidje Store, galgá ihttin heaibut OG kvalifiseremis.
Deanu heaibunsearvvi heaibu, Signe Marie Fidje Store, galgá miessemánu 7. beaivvi heaibut OG-bileahta ovddas, nu ahte beasašii searvat Olympia gilvvuide Rio de Janeiros, Brasilas 2016:s.
Ferte beassat finálii
OG-kvalifiserengilvvut lágiduvvojit Istanbulas Tyrkias. Signe Marie oassálastá 69 kg luohkás. Oassálastilisttu mielde oaidná ahte leat 21 heaibu Signe Marie deaddoluohkás.
Sávvet lihkku
Signe Marie lea cuoŋománu 18. beaivvi rájes leamaš Makedonias, ráhkkanan dihte OG-kvalifiseremiidda. OG-bileahta oažžu jus nagoda heaibut nu ahte olaha gitta finálii.
Son lea dál Istanbulas Tyrkias, ráhkkaneamen heaibumiidda ja vihkkemiidda mat leat odne eahkes.
– Deanu heaibunsearvi sávvá ahte Signe Marie lihkostuvvá, čállá Frode Gundersen Deanu heaibunsearvvi preassadieđáhusas.
Dáppe beasat geahččat geat vel heibot Signe Marie luohkás.
