Hámmárfeastta buohcceviessu rahpagoahtá dađistaga sisačálihemiid skábmamánu 9. beaivvi rájes, maŋŋá go lea leamaš gitta golggotmánu 23. beaivvi rájes.
Hámmárfeastta buohcceviessu váldigoahtá vuostá fáhkka sisčálihemiid buot ossodagain, muhto leat gáržžidan viidodaga. Gulahallan gaskal sisačálihandoaktára ja buohcceviesu doaktára geavvá nu go dábálaččat. Jus pasieanta galgá eará buohccevissui go Hámmárfeastta buohccevissui, de dat čielggaduvvo ságastallama oktavuođas, čállá Finnmárkku buohcceviessu preassadieđáhusas.
Buot aktivitehtat eai rahppo dalán, muhto dađistaga, ja jus buot manná plánaid mielde, de moatti vahku geahčen buohcceviessu doaimmahuvvo nu go dábálaččat fas.
Poliklinihkat mat vuosttažin rahppojit skábmamánu 9.beaivvi rájes:
Dialyse
Ollislaš borasdikšun
Mánáid poliklinihkka
Čalbmepoliklinihkka
Beallje-njunne-čotta poliklinihkka. Mánát/Ollesolbmot
Buohcceviesu dili gozihit ain ja plánat sáhttet rievdaduvvot.
