Sámediggi bovde álbmotčoahkkimii nuortalašgiela nannema ja kultuvrra ovddideami birra.
Sámedikki bealis oassálastá ráđđelahttu Mikkel Eskil Mikkelsen álbmotčoahkkimis mii lea nuortalašgiela nannema ja kultuvrra ovddideami birra, ja movt dan barggu čuovvolit. Čoahkkimis háliida Sámediggi maid gullat makkár vuordámušat álbmogis leat Sámediggái, ja maid addit dieđuid Sámedikki birra ja politihkalaš mihtuid ja áigumušaid birra.
Álbmotčoahkkin lágiduvvo ovttas Ä´vv Nuortasámi Museain, ja čoahkkin lágiduvvo Ä´vv nuortasámi museas Njávdámis.
Čoahkkimis guossohuvvojit gáffe, gáhkut ja eará herskot.
Álbmotčoahkkin lea disdaga cuoŋománu 18. beaivvi 2023 dii. 18.00–20.00.
Čoahkkin lea rabas buohkaide.
