Dál leat bargagoahtán beassat fas rahpat kulturskuvlla maŋŋel go lea gitta leamaš njukčamánu rájes.
Kulturskuvla lea dal bargame dáinna ahte beasašii fas rahpat muhtin kurssaid mánáide ja nuoraide. Guovdageainnu kulturskuvlla čuovvu FHI ja Dearvvašvuođadirektoráhta njuolggadusaid ja mihttun mis lea ahte buot oahppit, váhnemat ja bargit galget dovdat oadjebasvuođa boahtit fas bargui ja álgit fas kurssaide, čuožžu suohkana neahttasiiddus.
Kulturskuvllas leat čállime rávvagiid ja njuolggadusaid movt doaibmat vai eastadit covid-19 virusa leavvama.
