Guovdageaidnu časkkii Álttá goalmmát joavkku Bákteváris.
Finnmárkku 5. divišuvnna čiekčamis gaskkal Guovdageainnu ja Álttá goalmmát joavkku bohte logi moala, ja lei ruovttujoavku mii vuittii čiekčama 6-4.
Guovdageainnu moallagonagas, Nils Erik Oskal, coggalii vuohon njealje moala ovtta čiekčamis ja lea dál báhčán 20 moala 12 čiekčamis. Son lea guovtte geardde ovdal dán áigodaga báhčán njealje moala ovtta čiekčamis.
Espen-Andre Eira ja Andres Maricio Duque Giraldo maid coggaleigga spáppa mollii ja Ole Martin Hætta Strand oaččui rukses koartta.
Guovdageaidnu lea njealjádin ráidočiekčamis go okta čiekčan lea báhcán.
