Measta guokte miljovnna ruvnno lea juolluduvvon viđa nuorra guolásteaddjái, geat leat vuollel 35-jahkásaččat.
Measta guokte miljovnna ruvnno lea juolluduvvon viđa nuorra guolásteaddjái, geat leat vuollel 35-jahkásaččat.
Finnmárkku fylkkagieldda guolásteddjiid álggahanfoandda stivra juolludii 1,96 miljovnna ruvnno guolástanfatnasiid investeremii. Njealjis leat álggaheaddjit guolásteamis ja okta lea hárjánan guolásteaddji. Buot ohccit leat vuollel 35 jagi boarrásat.
Eai nu gallis
Eai leat leamaš beare galle ohcci maŋemus jagiid, ja fylkkagielddas jáhkket duogážin leat go eai beare gallis rekrutterejuvvo, ja ahte foanda ii leat nu viidát almmuhuvvon. Foandda njuolggadusaid rievdadallan maŋemus áiggis sáhttá buktán bohtosiid.
Oastit fatnasa dahje eriid
Finnmárkku fylkkagieldda guolásteddjiid álggahanfoanda lea loatnafoanda mii galgá addit veahkehandoarjaga easkaálgiide. Jus áigu vuosttaš geardde oastit fatnasa, de sáhttá oažžut loana rabas dahje giddejuvvon joavkkus.
Hárjánan guolásteaddjit, geat leat vuollel 35-jahkásaččat, sáhttet maid oažžut loana jus galget divodit fatnasa dahje oastit eriid.
Álggahanfoanddas lea ovtta jagi reantofriddja ja máksinfriddja. Reantu lea ovtta proseantačuoggá badjelis Norgga Báŋkku stivrenreantu (1.05 % 2015:s, gaskamearálaččat jagis).
Ohccit ledje:
Ohcci | Suohkan | Loatna juolluduvvon | Oastogálvu | Ulbmil |
Joachim Berg Hansen | Čáhcesuolu | 300000 | Adnon fanas, rabas joavku | Vuosttaš investeren |
Marius Berg | Donjevuotna | 600000 | Adnon fanas ja earri, gitta joavku | Ođđasit investeren, vuollel 35-jahkásaš. |
Thomas Hansen | Honnesváhki | 340000 | Adnon fanas, rabas joavku | Vuosttaš investeren |
Raymond Øystein Karlsen | Nuortaváhki | 450000 | Adnon fanas, rabas joavku | Vuosttaš investeren |
Andreas Bye Paulsen | Báhcavuotna | 270000 | Adnon fanas, rabas joavku | Vuosttaš investeren |