Mannan dálvvi registrerejuvvui ahte gumppečearddat bohtet lassánit 60 gumppiin go buohtastahttá diimmá loguiguin. Čájehuvvo ahte Skandinavias bohtet leat sullii 460 gumppe dán jagi, dan dieđiha rovdata.
Mannan dálvvi registrerejuvvui ahte gumppečearddat bohtet lassánit 60 gumppiin go buohtastahttá diimmá loguiguin. Čájehuvvo ahte Skandinavias bohtet leat sullii 460 gumppe dán jagi, dan dieđiha rovdata.
— Mannan dálvvi čájehuvvui ahte leat 46 gumppe main leat gumppečivggat Norggas ja Ruoŧas . 39 dain leat Ruoŧas, vihtta riikarájis ja guokte Norggas. Go loguid mielde rehkenastá de čájehuvvo ahte gumpečearddas leat 460 gumppe ovdal go dán dálvvi bivddut álget. Leat sullii 60 eambbo gumppe go diibmá ledje dán muttos áiggi, muitala Øysten Flagstad, genetihkár Rovdata:s.
Jápmángumppe logut bissot
Miessemánu 1.beaivvi rájis gitta cuoŋománu 30.beaivái 2015:is lea registrerejuvvon ahte 91 gumppe leat jápmán Skandinavias. 77 dain gumppiin leat registrerejuvvon Ruoŧas ja 14 ges Norggas.
Jápmángumppe logut eai leat njiedjan eai ge lassánan go buohtastahttet ovddeš loguiguin. Norggas lea mihttu gozihit buot gumppiid riikarájiid siskkobealde, dat lea dárbbašlaš go gumppe logut Norggas leat njiedjan maŋemuš jagiid.
Gozihit ja registrerejit
Ruoŧŧa ja Norga juogadeaba oktasaš Skandinávalaš gumppečearddaid. Juohke dálvvi golggotmánu 1.beaivvi gitta njukčamánu 31.beaivái rádjái gozihit ja registrerejit čearddaid. Dutkit guorahallat DNA náli bázahusain ja guolggain maid leat čohkken.
Loga eambbo gumppe lassáneami birra dáppe: 460 gumppe Skandinavias
Albasat maid laskan Norggas
Mannan vahkkus lea rovdata maid almmuhan ahte albasat leat maid laskan Norggas diimmážis, dál leat 40 eambbo albasa Norggas, ja eatnasat dain leat Gaska-Norggas. Norggas leat čieža eambbo albasjoavkku go buohtastahttá diimmá loguiguin. Muhto logut leat ain vuollel dan mihttologu mii lea Norggas.
Loga eambbo «Rovdata» ruovttusiiddus: Albbasmáttut lassánit
