Guhtta meahccebuollinhelikoptera biddjojit gearggusvuhtii geassemánu 23.–26. beivviid. Dál lea meahccebuollinváruhus Finnmárkkus, Rogalánddas, Agderis ja Østlánddas.
Lassin meahccehelikopteris mas lea fásta sadji Torpas, de leat helikopterat dál Kjelleris Vikenis, Kjevikas Agderis, Stavangeris Rogalánddas, Værnesas Trøndelágas ja Álttás Finnmárkkus, dieđiha Servodatsihkarvuođa ja gearggusvuođa direktoráhtta.
Meahccebuollinhelikoptera sáhttá čuorvvuhit dolaide mat leat kritihkalaččat ja main lea stuora várra leavvat.
Østlánddas ja Finnmárkkus lea dál meahccebuollinváruhus fiskes dásis. (©NTB)
