Finnmárkku fylkkamánni dieđiha ahte guhkidit mohtorjohtolatgildosa Guovdageainnus.
Finnmárkku fylkkamánni dieđiha ahte guhkidit mohtorjohtolatgildosa Guovdageainnus.
Fylkkamánni lea mearridan guhkidit mohtorjohtolatgildosa Silvvetnjárgga ja Seakkesnjárgga orohagaid čakčaguohtoneatnamiin Guovdageainnu suohkanis.
Dán leat dahkan maŋŋil go orohagat bivde fylkkamánni guhkidit gildosa unnán muohttaga geažil. Reivves maid orohagat sáddejedje fylkkamánnii skábmamánu 2. beaivvi, čilgehit orohagat ná:
– Mii ohcat gildosa guhkiduvvot go leat šaddan maŋidit rátkagiid ja boazolohkamiid mottiin beivviin, unnán muohttaga geažil.
Mohtorjohtolatgielddus guhkiduvvo skábmamánu 10. beaivvi rádjái.
Fylkkamánni boazodoalofágalaš ossodat lea ávžžuhan guhkidit gildosa nu mo orohagat leat ohcan. Fylkkamánnis dattege lea mearkkašupmi orohagaide:
– Jus guovllu sáhttá rahpat mohtorjohtolahkii ovdal skábmamánu 10. beaivvi, de galget orohagat dieđihit Fylkkamánnii dakkaviđe go ii leat šat dárbu gildosii, nu ahte gildosa sáhttit heaittihit jođáneamos lági mielde.
