Seahtarmuvas leamaš duođalaš biilalihkohisvuohta. Politiijat navdet biilavuoddji leamaš gárremiin.
Lávvardaga čuovganeapmái dáhpáhuvai duođalaš biilalihkohisvuohta Seahtarmuvas, Beardu suohkanis. Buot heahteetáhtat gohččojuvvojedje lihkohisvuođabáikái.
– Lihkohisvuhtii lea dušše okta biila seaguhuvvon. Biillas ledje oktiibuot golbma olbmo. Okta lea dolvojuvvon áibmoambulánssain ja guovttis ges ambulánssain buohccevissui. Ii leat dihtosis man garrasit leat roasmmehuvvan. Mii balahit ahte biilavuoddji lea vuodján gárrenoaivvis, čállet Romssa politiijat X/Twitteris.
Politiijat ožžo dieđu lihkohisvuođa birra diibmu 04:55.
