Politiijat leat váldán gitta golbma olbmo ja áššáiduhttán sin sisagaikumis Bissojoga COOP:i suoidnemánu 30. beaivvi.
Okta áššáiduhtton olmmoš lea mieđihan áššálašvuođa. Áššáskuhttineiseváldi lea Oarje-Finnmárkku diggegottis bearjadaga gáibidan ahte buot golmmas leat rájusgiddagasas njeallje vahkku, danne go lea várra ahte bilidit duođaštusaid.
– Gávdnojedje DNA-gávdnosat báikkis mat dagahedje gittaváldima. Vearredahkkit ožžo mielde ruđa ja gálvvuid sullii 400 000 ruvnno ovddas, dieđiha Finnmárkku Politiijaguovllu oktasaš ráŋggáštanáššesisaváldi bealis jurista Martine Meslo.
Áššáiduhtton olbmuid bealušteaddjit leat Vidar Zahl Arntzen, Kjetil Hugo Nilsen ja Per A. Amundsen.
