Golggotmánus dušše 11 olbmo johtolatlihkohisvuođas. Lohku lea seamma dásis diimmá ektui. Dán rádjai leat 81 olbmo duššan johtolagas dán jagi. Seamma áigodagas diibmá lei lohku 86.
Golbma nissona ja gávcci almmáiolbmo dušše johtolagas golggotmánus. Oktiibuot dán jagi leat 13 nissona ja 68 albmá duššan johtolatlihkohisvuođas, čállá Trygg Trafikk. Viđas dain geat dušše ledje biilavuoddjit, golmmas vázzit, guovttis mielčuovvut ja okta mohtorsihkkelvuoddji.
Njealjis leat oktiibuot duššan Trøndelágas ja Møre ja Romsdalas. Oslos, Vestfoldas, Telemárkkus, Innlánddas, Vestlánddas ja Romssas ja Finnmárkkus lea okta olmmoš duššan iešguđet guovllus. Biilavuddjiid ja mielčuovvuid duššanlohku lea njiedjan dán jagi, muhto mohtorsihkkelvuddjiid lohku lea lassánan 25 proseanttain.
