Álbmotdearvvašvuohta bijai gaskavahkku oppalašgeahčastaga ráđiid birra mat čavgejuvvojit. Olbmuin, geat okto orrot, eai galggaše eanet go golbma lagasoktavuođa.
Earret eará ávžžuhit ahte lagasoktavuođat isket iežaset, ja ollesolbmot erremis berrejit doalahit gaskka eará ollesolbmuide dállodoalus.
Ođđa ávžžuhusat leat:
Don ja lagasolbmot sáhttet servvoštallat. «Du lagamusat» leat sii geaiguin ovttas orut, ja guoibmi. Sis, geat okto orrot, sáhttet leat guokte-golbma lagasolbmo geaiguin sáhttet leat fysalaččat lahkalaga. Berrejit leat seamma olbmot áiggi badjel.
Doalat mehtera gaskka earáide go du lagamusaide. Gaska ámadajuid gaskkas lea deháleamos. Sealggálasat, dahje maŋŋálaga, dego ráiddus, addá unnit riskka njoammumii. Go čohkkát ovtta olbmo bálddas, de berre leat mehtera gaska du oalggis nuppi olbmo oalgái.
