Kristin Harilas leat dušše vihtta vári vel báhcán ovdal go lea máilmmi jođáneamos goargŋut máilmmi 14 alimus várrái.
Lávvardaga čuovganeapmái, diibmu 03.30 Nepala áiggis, olahii Kristin Harila Manaslu várrečohkkii.
Dat mearkkaša ahte Harila lea gizzon ovcci várrái dán giđa. Sus lea ulbmilin olahit máilmmi 14 alimus várrái jahkebeali siste. Dalle časkkášii dálá máilmmiolahusa.
– Dál lean Manaslu alážis ovttas iežan joavkkuin. Lea idja, lea buolaš ja leat hirbmosit váiban. Deike ádjáneimmet 10 diimmu goargŋut, ja dainna lean hui duhtavaš. Dál galgat goargŋut vulos, vuoiŋŋastit ja de vuolgit Pakistanii gos galggan čađahit iežan goargŋunprošeavtta, muitalii Kristian Harila iežas Facebook siiddus.
Kristian Harilas lea áigumuš gárvet máilmmiolahusgeahččaleami borgemánu rádjái.
