Návuona suohkan lea ohcan ásahit sámi giellaguovddáža ja Sámediggeráđđi lea juolludan sidjiide álggahandoarjaga.
Návuona suohkan lea ohcan ásahit sámi giellaguovddáža ja Sámediggeráđđi lea juolludan sidjiide álggahandoarjaga.
– Sámediggeráđđi lea ilus go eambbo giellaguovddážat ásahuvvojit. Erenoamážit lea dehálaš ásahit sámi giellaguovddáža báikkiin gos sámegiella ii leat nu nanus, dadjá sámediggepresideanta Aili Keskitalo preassadieđáhusastis.
Giellaguovddáš galgá ásahuvvot 2017 mielde ja doarjja lea addon lágidit sámegielkurssaid ja ásahit sámegielarenaid.
Lihkkosávaldat
Lea čájehuvvon ahte sámi giellaguovddážiin lea dehálaš rolla sámegiela ovddideamis. Go sámi giellaguovddážat ásahuvvojit, nu maid sámegiella nannejuvvo ja ovddiduvvo eambbo báikkiin.
– Háliidan sávvat Návuona suohkanii lihku giellaguovddášásahemiin, ja ávžžuhan suohkana ássiid ja maiddái earáid viššalit searvat doaimmaide maid giellaguovddáš bidjá johtui, lohká Keskitalo.
