Jeagelvárresiida lea gáibidan giddet skohterláhttu 5 ja 17 Kárášjoga gielddas ja dat giddejuvvo gaskaboddosaččat.
Finnmárkku fylkamánni lea čuovvolan gáibádusa ja lea gidden skohterláhttu 5 ja 17 ođđajagemánu 10. beaivve rájes.
Garvit masttadeame
Gidden gáibádus duogáš lea ahte Jeagelvárresiida lea johttán ealuin dálveorohahkii ja leat bargamin oažžut ealu jaskkodit.
Garvin dihtii muosehuhttima ja masttadeame eará ealuiguin, de eai hálit boazosápmelaččat skohterjohtolaga guovllus dál.
Dieđihit go gielddus nohká
Kárášjoga gielda lea váldán vuhtii gaskaboddosaš giddema, Jeagelvárresiida galgá dieđihit seammás fylkamánnái go ii leat šat dárbu doallat skohterláhttuid gitta.